O Consello de Ministros aprobou, a proposta do Ministerio de Educación, o Real decreto que establece as especialidades dos corpos de catedráticos e de profesores das Escolas Oficiais de Idiomas.
O obxectivo da norma é determinar as especialidades docentes para o ingreso, acceso e adquisición de novas especialidades nos corpos de funcionarios que teñen ao seu cargo o ensino nas escolas oficiais de idiomas. En concreto establecéronse 18 especialidades, correspondentes a outros tantos idiomas, como inglés, francés, alemán, italiano, portugués ou chinés, entre outros. Unha destas especialidades fai referencia ás linguas cooficiais das Comunidades Autónomas.
Con este Real decreto garántese ademais que os funcionarios de todo o territorio teñan un tratamento común, así como que as ensinanzas de idiomas sexan impartidas polo profesorado máis idóneo.
As Escolas Oficiais de Idiomas son unha peza fundamental no ensino de linguas estranxeiras. Esta é unha prioridade do sistema educativo e por iso, a Lei Orgánica de Educación inclúe medidas como o ensino do inglés dos oito aos seis anos, a iniciación temperá da aprendizaxe de idiomas na educación infantil, a súa xeneralización en primaria e a inclusión dun segundo de idioma na educación secundaria obrigatoria.
