A Secretaria de Estado de Educación e Formación Profesional, Eva Almunia, presidiu esta tarde o Foro para a Atención Educativa a Persoas con Discapacidade, formado por representantes do Ministerio de Educación e o Comité Español de Representantes de Persoas con Discapacidade (CERMI).
No encontro, que se celebra con carácter anual, Almunia informou sobre as accións ministeriais que se están levando a cabo para apoiar a este colectivo, cuxas necesidades están presentes no Plan contra o abandono temperán da educación, o Plan de fomento da escolarización temperá "Educa 3", o Roteiro da Formación Profesional incluída na futura Lei de Economía Sostible, o programa Escola 2.0, as conclusións da recente conferencia de Presidencia Española "A educación inclusiva: vía para favorecer a cohesión social" e o Pacto Social e Político pola Educación. Un dos obxectivos do devandito Pacto é asegurar a educación inclusiva, o recoñecemento da diversidade e a interculturalidade, así como procurar os medios e recursos axeitados para que os centros educativos poidan garantir a plena incorporación, en condicións de igualdade de oportunidades, dos estudantes con necesidades específicas de apoio educativo.
