O secretario xeral de Universidades, Màrius Rubiralta, presidirá o Colexio de Presidentes das Maisons "non rattachées" (residencias independentes) da Cidade Internacional Universitaria de París. O conxunto reúne a algunhas das residencias de estudantes con maior personalidade e peso de Europa, como o Colexio de España, a Maison Heinrich Heine de Alemania ou o Colexio Franco-británico. É a primeira vez que un español ocupa este cargo.
A Conferencia de Presidentes de "Maisons non rattachées" elixiu a Rubiralta por unanimidade. O nomeamento, que coincide coa celebración do 75 aniversario do Colexio de España en París, é un forte respaldo á política emprendida polo Ministerio de Educación para impulsar a internacionalización das universidades españolas.
A Cidade Internacional Universitaria de París (Cite Internationale Universitaire de París) está formada polas 40 residencias de estudantes situadas no distrito 14 da capital francesa. Delas, 17 son "Maisons d’Etat" ou Casas de Estado e contan con personalidade independente, como o Colexio de España. Son as chamadas "Maisons non rattachées", que proximamente se constituirán como Federación de Fundacións Recoñecidas de Utilidade Pública (FRUP).
