O ministro de Educación, Ángel Gabilondo, presidiu hoxe a cerimonia en que se distinguiu co ingreso na Orde Civil de Afonso X o Sabio (categoría de encomenda con placa) a Manuel de Castro, ex secretario xeral de Escolas Católicas.
O Ministerio de Educación destina esta condecoración a persoas ou entidades que destaquen polos méritos contraídos nos campos da educación, a ciencia, a cultura, a docencia e a investigación ou que presten servizos destacados en calquera deles tanto en España como no ámbito internacional. A homenaxe desenvolveuse no salón de plenos do Consello Escolar do Estado.
