O ministro de Educación, Ángel Gabilondo, interveu o pasado martes na Habana na última xornada do VII Congreso de Educación Superior "Universidade 2010" co relatorio "A cooperación universitaria ante os retos da situación económica mundial".
O ministro avogou por unha educación de calidade e equidade situada no corazón da economía e garante de "saúde social" e benestar. O VII Congreso de Educación Superior "Universidade 2010" desenvolveuse no Palacio de Convenciones da Habana, en Cuba, entre os días 8 e 12 de febreiro, e reuniu ministros de Educación de 19 países e numerosos expertos do ámbito universitario de América, Europa, Asia e Africa.
