O ministro de Educación, Ángel Gabilondo, impartiu esta mañá na Casa de América unha conferencia sobre "Os retos da Educación en Iberoamérica". A intervención inscríbese dentro dos almorzos-coloquio do Foro "Tribuna Iberoamericana", un ámbito de reflexión e debate coas principais personalidades do acontecer político, cultural, económico e social dos países iberoamericanos, organizado pola axencia EFE e Casa de América.
Durante o seu discurso, o ministro referiuse á importancia da educación para impulsar un novo modelo económico sostible e á necesidade de chegar a pactos que permitan aos países e axentes sociais afrontar xuntos as grandes necesidades que propón a formación no futuro.
