A secretaria de Estado de Educación e Formación Profesional, Eva Almunia, presidiu esta mañá o Pleno do Consello Superior de Ensinanzas Artísticas. O Pleno celebrouse no Salón de Actos do Instituto Cervantes con asistencia doutros representantes do Ministerio de Educación como a Directora Xeral de Avaliación e Cooperación Territorial, Rosa Peñalver, e o Director Xeral de Política Universitaria, Juan José Moreno.
O Consello Superior de Ensinanzas Artísticas é o órgano consultivo do Estado, adscrito ao Ministerio de Educación, que propón as medidas necesarias para, entre outros aspectos, a promoción e proxección social de ensinanzas referidas a materias como a música, a danza, a arte dramática, o deseño, as artes plásticas e conservación e a restauración de bens culturais.
