Solicitude
O procedemento de homologación iníciase a instancia do interesado (Modelo de solicitude 
), que debe formularse no modelo publicado como anexo da Orde ECI/3686/2004, do 3 de novembro, por que se ditan normas para a aplicación do Real decreto 285/2004, do 20 de febreiro, por que se regulan as condicións de homologación de títulos estranxeiros de educación superior (BOE do 15 de novembro).
As solicitudes poderán presentarse en:
- As oficinas de rexistro do órgano administrativo a que se dirixan.
- Rexistro Xeral ou Rexistros Auxiliares do Ministerio de Educación (C/ Los Madrazo, 15-17; Pº del Prado, 28; C/ Torrelaguna, 58; todos eles de Madrid).
- Áreas Funcionais de Alta Inspección de Educación das Delegacións do Goberno nas Comunidades Autónomas, ou Delegacións Provinciais do Ministerio de Educación en Ceuta e Melilla.
- En calquera outro dos lugares sinalados no artigo 38.4da Lei 30/1992, do 26 de novembro, de Réxime Xurídico das Administracións Públicas e do Procedemento Administrativo Común, desenvolvido polo artigo 2 do Real decreto 772/1999, do 7 de maio, por que se regula a presentación de solicitudes, escritos e comunicacións ante a Administración Xeral do Estado, é dicir:
- Nas oficinas de rexistro de calquera órgano administrativo pertencente á Administración Xeral do Estado, ou dos Organismos públicos vinculados ou dependentes daquela.
- Nas oficinas de Correos, na forma establecida regulamentariamente.
- Nas representacións diplomáticas e oficinas consulares de España no estranxeiro.
- Nos rexistros das Administracións das Comunidades Autónomas.
- Nos rexistros das entidades que integran a Administración local, sempre que previamente se subscriba o correspondente convenio.
- En calquera outro que establezan as disposicións vixentes.
