Este apartado refírese á homologación de títulos estranxeiros de educación superior a:
O título de Doutor. Dadas as características deste título e a súa denominación ("Doutor pola Universidade de..."), considérase que título e grao son o mesmo, de maneira que non se contempla de maneira diferenciada unha homologación ao grao académico de Doutor.
Os novos títulos oficiais de Máster que xa se estableceron nos cursos 2006-2007 e 2007-2008 de acordo co Real decreto 56/2005, do 21 de xaneiro.
O grao académico de Máster.
Os Reitores das Universidades españolas serán competentes para a homologación a títulos e graos españois de posgrao a que se refire este apartado.
O procedemento iniciarase mediante solicitude do interesado , dirixida ao Reitor da Universidade da súa elección, acompañada polos documentos que se determinen mediante os criterios aprobados polo Consello de Coordinación Universitaria.
A resolución adoptarase motivadamente polo Reitor da universidade, previo informe razoado do órgano competente en materia de estudos de posgrao, tendo en conta os criterios establecidos para a homologación a títulos e graos nos artigos 9 e 19 do Real decreto 285/2004, no que sexan aplicables, e as causas de exclusión recollidas no artigo 5 do mesmo Real decreto.
A resolución poderá ser favorable ou desfavorable á homologación solicitada.
A concesión da homologación acreditarase mediante a oportuna credencial expedida polo Reitor da Universidade , de acordo co modelo que determine o Consello de Coordinación Universitaria, e nela farase constar o título estranxeiro posuído polo interesado. Con carácter previo á súa expedición, a universidade comunicarao á Subdirección Xeral de Títulos e Recoñecemento de Cualificacións do Ministerio de Educación, aos efectos da súa inscrición na sección especial do Rexistro nacional de títulos.
Non poderá solicitarse a homologación de maneira simultánea en máis dunha Universidade. O título estranxeiro que fose xa homologado non poderá ser sometido a novo trámite de homologación noutra Universidade. Non obstante, cando a homologación sexa denegada, o interesado poderá iniciar un novo expediente nunha Universidade española distinta.
A homologación ao título de Posgrao non implicará, en ningún caso, a homologación ou recoñecemento do título estranxeiro de Grado ou nivel académico equivalente de que estea en posesión o interesado.
Os expedientes de homologación ao titulo de Doutor iniciado antes da entrada en vigor do Real decreto 309/2005, do 18 de marzo (o 20 de marzo de 2005) continuarán a súa tramitación e resolveranse polo Ministerio de Educación, de acordo coa normativa vixente no momento da súa iniciación.
Non obstante, os interesados nos procedementos de homologación ao título de Doutor sobre os que aínda non recaia resolución definitiva poderán desistir expresamente das súas solicitudes ante o Ministerio de Educación, para solicitar a homologación ante a Universidade da súa elección.
