Homologación a Graos Académicos
Obxecto
A homologación a grao académico daqueles en que se estruturan os estudos universitarios en España é o recoñecemento oficial da formación superada para a obtención dun título estranxeiro, como equivalente á esixida para a obtención dun grao académico inherente a calquera dos niveis en que se estruturan os estudos universitarios españois e non a un título concreto.
Actualmente, pode solicitarse ao Ministerio de Educación e Ciencia a homologación ao G rado Académico de Licenciado ou ao Grado Académico de Diplomado.
Procedemento
Será o establecido para a homologación a un título do Catálogo de títulos universitarios oficiais, coas peculiaridades que se recollen neste apartado.
As solicitudes axustaranse ao modelo publicado como Anexo 1 da Orde ECI/1712/2005, do 2 de xuño (BOE do 10), por que se modifica a Orde ECI/3686/2004, do 3 de novembro, por que se ditan normas para a aplicación do Real decreto 285/2004, do 20 de febreiro, por que se regulan as condicións de homologación de títulos estranxeiros de educación superior (BOE do 15).
No referente á documentación preceptiva, será a seguinte:
- a) Copia compulsada do documento que acredite a identidade e nacionalidade do solicitante , expedido polas autoridades competentes do país de orixe ou de procedencia ou polas autoridades españolas competentes en materia de estranxeiría. No caso dos cidadáns españois, fotocopia compulsada do documento nacional de identidade.
- b) Copia compulsada do título cuxa homologación se solicita ou da certificación acreditativa da súa expedición.
- c) Copia compulsada da certificación académica dos estudos realizados polo solicitante para a obtención do título, en que consten, entre outros extremos, a duración oficial, en anos académicos, do plan de estudos seguidos, as materias cursadas e a carga horaria de cada unha delas.
- d) Acreditación do aboamento da TAXA correspondente (artigo 28 da Lei 53/2002, do 30 de decembro, de Medidas Fiscais, Administrativas e da Orde Social, BOE do 31).
O órgano instrutor poderá requirir, ademais, outros documentos que considere necesarios para a acreditación da equivalencia entre a formación conducente á obtención do título estranxeiro achegado e a que se esixe para a obtención do grao académico español co que se pretende homologar.
Modelo de Solicitude 
Criterios para a homologación a graos académicos
As resolucións sobre a homologación a grao académico adoptaranse tendo en conta os seguintes criterios:
- A correspondencia entre os niveis de acceso académico requirido para o acceso aos estudos conducentes á obtención do título estranxeiro e para o acceso ao grao académico español de que se trate.
- A duración e carga horaria do período de formación necesaria para a obtención do título estranxeiro cuxa homologación se pretende.
- A correspondencia entre o grao académico dos estudos conducentes á obtención do título estranxeiro e o correspondente grao académico español a que se solicita a homologación.
- Para a homologación ao grao académico español correspondente aos estudos oficiais de Grado (e, ata entón, para a homologación ao grao de Licenciado), o título estranxeiro debe permitir no país de procedencia o acceso a estudos oficiais de posgrao.
Cando se solicite a homologación dun título correspondente a ensinanzas realizadas conforme a sistemas educativos de países da Unión Europea, a resolución de homologación terá en conta unicamente estes criterios:
- A correspondencia entre o grao académico dos estudos conducentes á obtención do título estranxeiro e o correspondente grao académico español a que se solicita a homologación.
- Para a homologación ao grao académico español correspondente aos estudos oficiais de Grado (e, ata entón, para a homologación ao grao de Licenciado), o título estranxeiro debe permitir no país de procedencia o acceso a estudos oficiais de posgrao.
Resolución
A resolución do procedemento será motivada e conterá un dos seguintes pronunciamentos:
- A homologación do título estranxeiro ao correspondente grao académico español.
- A denegación da homologación solicitada.
