O Ministerio de Educación é o órgano competente para a expedición dos títulos universitarios de Diplomado e Licenciado correspondente a estudos finalizados con anterioridade a xaneiro de 1988 (Disposición Transitoria Segunda, apartado 2. do Real decreto 1496/1987, do 6 de novembro), así como para a expedición de títulos universitarios de Doutor cuxa tese de doutoramento sexa aprobada con anterioridade a agosto de 1989 (Instrución Oitava da Resolución do 26 de xuño de 1989 da Secretaría de Estado de Universidades e Investigación).
Os títulos de Licenciados, Diplomados e Doutores correspondentes a estudos finalizados con posterioridade ás datas mencionadas serán expedidos polo Reitor da Universidade onde o alumno superase o último requisito necesario para a obtención do título.
