No outono de 2007 comezou a funcionar o denominado Grupo de Seguimento do Proceso de Bologna (GSPB), no ámbito da Dirección Xeral de Universidades do MEC.
A posta en marcha deste Grupo responde á necesidade de incrementar o grao de coñecemento que temos sobre a construción do EEES e pretende contribuír a que se acaden en España os obxectivos xerais do Proceso de Bologna.
O Grupo está formado por expertos procedentes de diversas Universidades, especializados en aspectos clave da realidade universitaria: mobilidade, recoñecemento, marco de cualificacións, empregabilidade, calidade, doutoramento, dimensión social da educación superior, etc.
O traballo destes expertos se articulará en tres liñas de actuación principais, unha das que se centrará na organización de talleres dirixidos ás 72 universidades españolas e outras entidades que permitan difundir as liñas mestras do Proceso de Bologna e compartir boas prácticas en cada temática específica (de acordo coas prioridades establecidas na V Cimeira Ministerial celebrada en Londres en maio de 2007).
Os talleres concíbense como un apoio ás universidades para afrontar os retos derivados do deseño e a implantación dos novos plans de estudo.
Preparouse unha programación con 10 talleres, a celebrar desde novembro de 2007 ata xullo de 2008.
Os talleres terán un carácter práctico e requirirán a participación proactiva dos asistentes. A partir de cuestionarios previos conformaranse grupos de traballo por ámbitos temáticos e de organización académica. Os talleres desenvolveranse de acordo con estas liñas:
