A Constitución Española establece que os poderes públicos deben garantir a participación social na programación xeral do ensino.
Conságrase a participación social como un dos principios reitores do sistema educativo, concibida como un factor de democratización que garante unha maior receptividade ás necesidades sociais e como un instrumento esencial para favorecer a calidade do ensino.
Nos distintos niveis da Administración Educativa, incluídos os propios centros docentes, existen diferentes órganos colexiados que aseguran a participación social de todos os sectores da comunidade educativa. No ámbito estatal, este órgano é o Consello Escolar do Estado .
No autonómico, os Consellos Escolares Autonómicos, Territoriais, Provinciais, Comarcais e / ou Municipais/Locais. Finalmente, os centros docentes non universitarios contan co Consello Escolar de centro e os universitarios co Consello Social da Universidade.
Doutra banda, existen varios órganos estatais de participación institucional con carácter consultivo: o Consello Xeral da Formación Profesional, o Consello Superior de Ensinanzas Artísticas e o Consello de Coordinación Universitaria.
