Vostede está en:

Plan PROA. Programa de apoio e reforzo en educación secundaria

Este programa de cooperación entre o Ministerio de Educación e as Comunidades Autónomas baséase nos principios indisociables de calidade (orientada a obter os mellores resultados individuais e sociais) e equidade (para garantir a todos as mesmas oportunidades reais e compensar as desigualdades de partida).

Diríxese a centros educativos de Educación Secundaria, cunha proporción significativa de alumnos en desvantaxe educativa asociada ao seu medio sociocultural: pertenza a familias de baixo nivel cultural ou economicamente desfavorecidas, escasa oferta de recursos educativos, minorías étnicas, inmigrantes de lingua materna igual ou distinta á do centro, etc.

Ofrece un abano de liñas de actuación que os centros poden elixir, de acordo coas súas necesidades, para a mellora dos seus resultados educativos.
Os seus obxectivos son:

A mellora dos resultados educativos dos centros, tanto na cantidade e calidade das aprendizaxes como na integración escolar dos seus alumnos.
Promover a mellora na organización e funcionamento do centro.

A participación no programa debe conducir á mellora de:

As estratexias de atención á diversidade que se pensan pór en práctica.
A coordinación horizontal entre os profesores dun mesmo grupo de alumnos, seguindo o plan de actuación que marque o titor, quen ten unha responsabilidade especial como dinamizador do funcionamento integrado da actividade.
As relacións entre o centro e as familias dos alumnos, especialmente as dos alumnos atendidos polos diferentes programas. Con este fin establécense programas específicos de intervención coas familias.

Os centros participantes teñen que intervir simultaneamente nun triplo ámbito:

o do funcionamento do centro e a atención directa ao alumno , á súa integración no centro e á súa aprendizaxe,
o da intervención coas familias
o das actuacións en relación co medio

Para cada un destes ámbitos ofrécense distintas liñas de actuación que comportan unha asignación de recursos humanos e materiais determinados.

Máis información