A importancia do fomento da lectura e a mellora das bibliotecas dos centros escolares ponse de manifesto na que inclúe, dentro dos fins da educación, a atención prioritaria que os poderes públicos deben prestar a este factor educativo e menciona expresamente que as bibliotecas escolares contribuirán a fomentar a lectura e a que os alumnos accedan á información e outros recursos para a aprendizaxe dispoñible nas mesmas.
Estes obxectivos están intimamente asociados ao desenvolvemento das competencias básicas establecidas nos Reais Decretos por que se establecen as ensinanzas mínimas respectivamente da Educación primaria, a Educación secundaria obrigatoria e o bacharelato. En particular a biblioteca escolar é un elemento imprescindible para o axeitado logro das competencias en comunicación lingüística, Para aprender a aprender, no tratamento da información e a autonomía e iniciativa persoal, e é tamén un recurso moi útil para a adquisición do resto das competencias básicas.
