O Ministerio de Educación organizou en Madrid, os días 8, 9 e 10 de abril de 2011, unhas Jornadas sobre o "Programa ARCE" de agrupacións entre centros educativos e institucións públicas do ámbito da educación. O obxectivo foi presentar este Programa de cooperación territorial e facilitar un espazo de encontro entre profesionais de diferentes centros educativos e institucións das distintas comunidades autónomas interesados en elaborar proxectos comúns que incidan na mellora da calidade da educación, co fin de participar na próxima convocatoria.
